Американската влада објави околу 10.000 страници документи поврзани со атентатот на сенаторот Роберт Кенеди во 1968 година,  согласно наредбата на претседателот Доналд Трамп.

Директорот на Националното разузнавање Тулси Габард рече дека објавувањето на документите поврзани со атентатот на Роберт Кенеди „ќе ја расветли долгоочекуваната светлина на вистината“.

„Речиси 60 години по трагичното убиство на сенаторот Роберт Ф. Кенеди, американскиот народ  првпат ќе има можност да ја разгледа истрагата на федералната влада благодарение на раководството на претседателот Трамп“, напиша Габард.

Администрацијата за национална архива и евиденција на САД објавила околу 229 датотеки што ги содржат тие страници на својата веб-страница.

Во јануари, американскиот претседател Доналд Трамп потпиша извршна наредба за декласификација на преостанатите федерални документи поврзани со убиствата на претседателот Џон Кенеди, сенаторот Роберт Ф. Кенеди и Мартин Лутер Кинг помладиот.

Во средината на март, американската влада почна да ги објавува преостанатите доверливи документи за атентатот на претседателот Џон Ф. Кенеди во 1963 година во Далас.