Врвните здравствени регулатори во САД по десетдневна пауза повторно дозволија веднаш да се продолжи со употребата на вакцината Џонсон&Џонсон, пренесуваат тамошните медиуми. 

Американските Центри за контрола и превенција на болести (ЦДЦ) и Агенцијата за храна и лекови во заедничката изјава велат дека здравствените системи и примателите на вакцини ќе бидат предупредени за ризикот од потенцијално фатален синдром, кој вклучува сериозни тромбови и ниски тромбоцити.

Агенциите ја донесоа одлуката по состанокот на надворешни советници на ЦДЦ, кои препорачаа да се прекине вакцинацијата со вакцината на Џонсон&Џонсон. Одлуката следеше по истрагите на агенциите за ризиците од вакцината.

– Повеќе не препорачуваме пауза во употребата на оваа вакцина – рече директорката на ЦДЦ, Рошел Валенски на брифинг за новинарите.