Најдобрата светска тенисерка Арина Сабаленка ја победи Јасмин Паолини од Италија по два сета во полуфиналето на Мастерсот во Мајами, во меч кој траеше час и 13 минути – 6:2, 6:2.

Сабаленка ги доби двата сета со две брејк топки. Ова е нејзин прв пласман во финалето на Мајами.

Досега нејзин најдобар резултат беше четвртфиналето на мастерсот во САД.

Сабаленка уште еднаш потврди зошто е најдобрата тенисерка на светот, немаше поголеми проблеми со Паолини, кој е седма на ВТА листата.

Белоруската тенисерка во големото финале ќе игра против победничката од вториот полуфинален меч во кој се среќаваат Џесика Пегула (САД) и Александра Еала (Филипини).