Инфлуенсерка која живее во Дубаи е казнета со 1.800 евра затоа што се движела на забранетата розова плажа на Сардинија. Казната ја добила откако на социјалните мрежи објавила видеа и фотографии од нејзината посета, пренесуваат странските медиуми.

Жената со бразилско потекло пристигнала со гумен чамец на брегот на Спиаџа Роса, позната по розовиот песок, игнорирајќи ги сите знаци и предупредувања за забраната. Плажата се наоѓа на островот Будели, кој е дел од архипелагот Мадалена во близина на теснецот Бонифацио во северна Сардинија.

Од 90-тите на туристите им е забрането да шетаат на таа плажа и да пливаат. Посетите се дозволени само во текот на денот, а до островот може да се стигне, со одобрение, со помали чамци и гумени чамци. Дозволено е само пешачење по патеката зад плажата.

Инфлуенсерката, која има повеќе од 35.000 следбеници, објавила видео на кое шета по розов песок на песната „La Vie en rose“ од Едит Пјаф. Инцидентот се случил пред неколку дена, а службените лица отвориле истрага против инфлуенсерката откако револтирани луѓе од Сардинија се побуниле поради нејзините објави.

Официјалните лица брзо ја идентификувале жената и ја известиле за казната од 1.800 евра, од кои 300 евра се казнува за прекршување на забраната и 1.500 евра за пристигнување на островот со брод без дозвола. Жената изнајмила гумен чамец, а сопственикот на чамецот не знаел дека има намера да отплови до островот.

Инаку, островот Будели е ненаселен, а повеќе од 30 години бил дом на еден жител, Мауро Моранди, кој налетал на островот во 1989 година откако му се расипал катамаран на патот кон Јужниот Пацифик. Моранди, кого некои го споредуваат со Робинзон Крусо, успеа да остане и стана де факто единствениот чувар на островот, но во 2021 година властите го принудија да го напушти островот. Моранди тогаш имаше 84 години.

Guida turistica barca sulla spiaggia sarda rosa di Budelli, violando lo storico divieto di accesso per un pugno di like: ora rischia una multa salata @Rogeriaguiadubai/IG La spiaggia sarda di Budelli, gemma dell’arcipelago de La Maddalena, è unhttps://t.co/YxyDn6TH2Z pic.twitter.com/J0ChGQE4TH

— La Citta News (@lacittanews) June 13, 2024