Украинските разузнавачки агенти кои го планирале атентатот врз раководителот на руска компанија од одбранбената индустрија се приведени во Санкт Петербург, соопшти денес Федералната служба за безбедност на Русија.
Две млади жени и еден млад маж се приведени, пренесува ТАСС.

„Федералната служба за безбедност на Руската Федерација во Санкт Петербург ги спречи активностите на украинска разузнавачка мрежа составена од тројца руски државјани родени во 1993, 1994 и 2006 година, кои биле вклучени во подготовка на терористички напад врз раководителот на компанија од одбранбената индустрија со разнесување на неговиот автомобил со импровизирана експлозивна направа“, соопшти ФСБ.

Според ФСБ, по инструкции на раководителот на украинска терористичка организација под надзор на Главната дирекција за разузнавање на Министерството за одбрана на Украина, двајцата приведени ја следеле потенцијалната жртва, ја претресле неговата куќа и му доставиле експлозивна направа на сторителот преку скривалиште поставено на гробишта во Санкт Петербург.

Сторителот, откако зел импровизирана направа, се преправил во пензионер и се упатил кон местото на злосторството, каде што бил уапсен додека поставувал автомобил-бомба.
Истражната служба на Федералната служба за безбедност покренала кривична постапка, а осомничените се приведени.

Според рускиот Кривичен законик, тие се соочуваат со казна доживотен затвор, според ТАСС.