Иако Летните олимписки игри во Париз треба да се одржат за две години, шансите на нив да настапат руските спортисти се многу мали. Причината не е само руската воена инвазија врз Украина туку и календарот на натпреварувања .

Високиот член на Меѓународниот олимписки комитет (ИОК), Крег Риди и кој е поранешен претседател на Светската антидопинг агенција (ВАДА) вели дека проблем дополнителен проблем за руските спортисти е тоа што олимписките квалификации започнуваат наскоро и тие нема да учествуваат во нив.

– Проблемот е шти квалификациите за настап на ЛОИ во Париз во многу спортови започнуваат наскоро или се веќе започнати. Спортските федерации ги следат препораките на ИОК и поради тоа руските и белоруските спортисти не се дел од натпреварувањата. Мали се шаните некој од руските спортисти да се квалификува за настап во Париз, освен во три спортови и тоа во џудо, тенис и велоспедизам каде и сега им е дозволен настап. Доколку сега се променат правилата, тоа не би било фер кон останатите спортисти кои веќе обезбедиле олимписка виза или се на добар пат да го сторат тоа – изјави Риди.