САД ја зголемуваат терористичка закана во светот и ги повторуваат грешките од 2001 година со нападот врз Иран, изјави денеска Адалби Шкагошев, член на Комитетот за безбедност на рускиот парламент.

Шкагошев за РИА Новости изјави дека САД ги враќаат сите земји во светот во состојба на зголемена терористичка закана и дека Вашингтон ги повторува геополитичките грешки.

Тој потсети дека поминаа помалку од 25 години од најголемиот терористички напад во историјата – 11 септември 2001 година, кога беа извршени напади во Њујорк и Вашингтон.

Шкагошев рече дека терористичките закани се слични на нуклеарното оружје и можат да „ги парализираат сите животни процеси во светот“ и дека затоа верува дека задачата на сите разузнавачки агенции во светот е да разменуваат информации, без оглед на „санкциите и политичките интриги“.