Руската амбасада во Лондон денеска соопшти дека Москва нема намера да ја нападне Велика Британија и во исто време ги отфрли обвинувањата на британската влада за „растечка агресија и секојдневни кибер напади“.

Велика Британија вчера објави радикални промени во својата одбранбена стратегија за да одговори на новите закани, вклучително и оние што доаѓаат од Русија, по усвојувањето на „Стратешкиот одбранбен преглед“.

Министерот за одбрана Џон Хили изјави дека Европа „моментално е на работ на војна, со растечка руска агресија, нови нуклеарни закани и секојдневни кибер напади“.

Руската амбасада во соопштението го критикува она што го опиша како „нов бран антируска реторика“.

„Русија не претставува закана за Велика Британија и нејзиниот народ“, се вели во соопштението на амбасадата, истакнувајќи дека Русија „нема агресивни намери и нема планови да ја нападне Велика Британија“.