Руските воздушни сили (ВКС), наводно, ги преместиле своите бомбардери со долг дострел и нуклеарно вооружени Ту-95 на безбедна локација на Далечниот Исток, неколку дена откако Украина изврши нов напад врз базата на руските воздухопловни сили, каде што претходно беа сместени бомбардерите. Извори од украинската влада тврдат дека најмалку шест авиони Туполев Ту-95 познати под прекарот „мечка“ на руската авијација со долг дострел биле префрлени од воздухопловната база Енгелс-2 во воздухопловната база Серишево по трите напади со беспилотни летала извшрени минатите денови. Како што наведуваат медиумите за разлика од воената база Енгелс-2 која е лоцирана на 600 километри источно од територијата контролирана од Украина, базата Серишево е оддалечена преку 6.000 км од Укрина пишува The Eurasia Times.

Инаку во базата во регионот Амур во Русија, каде што сега се префрлени бомбардерите, е сместена 326-та дивизија за тешки бомбардери и 182-риот авијациски полк за тешки бомбардери на руската армија во кои се вклучени и Ту-95.

The russians evacuated 4-6 Tu-95 strategic bombers from the Engels-2 airfield. The planes might have been transferred to the “Ukrainka” airfield in the Amur region.

What irony in the name ?

Is something happening? Why moving to the Far East more than 7000km away?? pic.twitter.com/M0O307yGvs

— Maria Drutska ?? (@maria_drutska) December 27, 2022

Бомбардерите Т-95 и Ту-160 се главните стратешки бомбардери на Русија. Ту-95 во неодамнешните напади на украинските сили е првиот руски бомбардер од ваков тип кој беше оштетен. Иако леталото не било целосно уништено, најверојатно ќе биде префрлено во некои од хангарите на поправка, наведува истоимениот медиум.

Во меѓувреме вооружените сили на Украина (АФУ) ниту ја презедоа, ниту ја негираат одговорноста за овие далечни напади врз руските бази. Сателитските снимки направени на 28 ноември и објавени на почетокот на декември покажаа околу 20 руски бомбардери кои носат ракети пистата, вклучувајќи ги и стратешките бомбардери Ту-160 и Ту-95. Во тоа време, Русија веќе ги користеше своите бомбардери за да истрела конвенционални ракети со долг дострел без да навлезе во украинскиот воздушен простор.