Белгија во Скопје го имаше својот прв натпревар од квалификациите за Светското првенство 2026 и ремизираше 1:1 против македонската фудбалска А репрезентација.

Белгијците со својата игра покажаа на Националната арена „Тодор Проески“ зошто се секогаш опасни, и се фаворити во квалификациската група Ј.

Нашите најдобри фудбалери се непоразени и во својот трет меч и остануваат во игра за едно од местата кои водат на Мундијалот.

Белгискиот селектор Руди Гарсија е свесен дека резултатот не е најдобар и дека имаше грешка кај неговите избраници во текот на мечот:

– Не одигравме одличен натпревар, не одигравме најдобро од наша страна. Направивме некои грешки, или поради лош избор или поради малку нервоза. Македонија заслужено го освојува бодот, бидејќи погоди две стативи, а имаше и еден поништен гол. Ние се обидовме да постигнеме и втор гол, но едноставно не межевме. Бевме нервозни во одбранат, тоа е вистина, и тоа им даваше шанси на домаќините. Генерално одиграа добар натпревар. Голот на противникот беше прекрасен, но не требаше да се случи. Во нашиот напад бевме премногу бевме зависни од Жереми Доку. Треба да направиме повеќе и да играме подобро – рече Гарсија по мечот.