Холанѓанецот Руд ван Нистелрој веќе не е тренер на Лестер, официјално објавија од англискиот фудбалски клуб.

– Фудбалскиот клуб Лестер и Руд ван Нистелрој се согласија меѓусебно да го раскинат неговиот договор со клубот како менаџер на првиот тим со непосреден ефект – се вели во соопштението на клубот на својата официјална веб-страница.

Ван Нистелрој го презеде Лестер во ноември минатата година, но не успеа да му помогне на клубот да избегне испаѓање.

Лестер не успеа да обезбеди опстанок во Премиер лигата откако го освои 18 место со 25 бодови, 13 помалку од Тотенхем кој заврши на 17 позиција.

Ван Нистелрој (48) кратко го водеше Манчестер јунајтед како привремен тренер пред Лестер, а го водеше и ПСВ во сезоната 2022-23.