Рускиот тенисер Андреј Рубљов ќе му биде противник на Новак Ѓоковиќ во финалето на „Србија Опен“ турнирот што се игра во Белград.

Осмиот светски тенисер во второто полуфинале за еден час игра во два сета со 6:2,6:2 го победи Фабио Фоњини.

Во првиот сет, Фоњини го освои првиот гем, но Рубљов ги освои наредните пет и ги реши дилемите.

Слична беше сликата и во вториот сет кога рускиот тенисер повторно освои пет гема по ред. Овој пат, серијата на Рубљов започна по водството од 1:2 на Фоњини по што со освоените пет гема по ред, Русинот го завери пласманот во финалето кое ќе се игра утре.