Менаџерот на фудбалерите на Манчестер јунајтед, Рубен Аморим, призна дека чувствува голем притисок по лошиот почеток на сезоната и сензационалното испаѓање од Лига купот против Гримзби таун по изведувањето на пенали.

„Црвените ѓаволи“ немаат победа во првите три натпревари од Премиер лигата, а пред претстојниот натпревар со Барнли, Аморим рече:

– Кога имате одреден став и начин на работа, има добри и лоши страни. Понекогаш сакам да се откажам, понекогаш сакам да бидам тука уште 20 години. Понекогаш не сакам да бидам со моите играчи. Треба да се подобрам во тој поглед – се зборовите на Аморим.

Зборовите на Португалецот доаѓаат во време кога атмосферата на „Олд Трафорд“ е сериозно ставена на тест и трпението на навивачите почнува да истекува.

Следниот меч Јунајтед против Барнли од Премиер лигата ќе го игра дома в сабота од 16.00 часот.