Во последниот зимски преоден рок, Кристијано Роналдо го изненади фудбалскиот свет со трансферот во Ал Наср од Саудиска Арабија.

Првата полусезона за Роналдо не помина според очекувањата, тимот остана без шампионскиот трофеј иако при доаѓањето на Португалецот беа лидери на табелата.

Во последно време се шпекулираше за негово можно враќање во Европа, но Роналдо ги демантираше таквите најави.

„Среќен сум во Ал Наср и имам силна верба во овој проект. Ако Саудиска Арабија цврсто стои на својот пат за пет години ќе стане најпосакувана дестинација. Не сакам да ги коментираме шпекулациите за враќање во Европа“, изјави Роналдо.

Според последните најави трансфер во Саудиска Арабија ќе направи и Карим Бензема, но во редовите на Ал Итихад, а се пишуваше и за доаѓање на Меси во Ал Хилал откако тренерот Галтие потврди дека заминува од ПСЖ.