
Роналдињо: Сега е ред на Ламин Јамал да испише историја
Легендата на Барселона и бразилскиот фудбал, Роналдињо, ја изрази својата целосна поддршка за младата ѕвезда на Каталонците, Ламин Јамал, наведувајќи дека 17-годишниот талент е способен неколку пати да ја освои Златната топка и да остави длабок белег во историјата на клубот, како тој и Лионел Меси пред него.
Препорачано
-
1
-
2
-
3
– Меси и јас веќе испишавме историја. Сега е ред на Ламин Јамал. Она што го покажува на оваа возраст и со таков талент е извонредно. Обожавам да гледам играчи како него – тие се корисни за фудбалот. Се надевам дека ќе има кариера како нашата – изјави Роналдињо за шпанското издание „Марка“.
Ламин Јамал, кој многумина го сметаат за едно од најголемите млади откритија во фудбалот во последните генерации, одигра клучна улога во успехот на Барселона оваа сезона, помагајќи им да ја освојат титулата во Ла Лига и Купот на кралот.
– Никогаш не ми се допаѓале ваквите споредби, бидејќи секој фудбалер има свој стил на игра. Важно е Ламин Јамал да им донесе радост на луѓето – како што правев јас еднаш, или како Меси подоцна по мене. Се надевам дека ќе продолжи да го развива потенцијалот што го покажа досега. Ламин Јамал е на ниво што му овозможува да ја освои Златната топка. Изненадувачки е бидејќи е толку млад, но може да влезе во историјата освојувајќи ја не еднаш, туку неколку пати – рече Роналдињо.
Каталонците ќе се обидат да ја завршат сезоната на најдобар можен начин на претстојниот натпревар на гости против Атлетик Билбао во недела. Во меѓувреме, се очекува Јамал да потпише нов долгорочен договор со клубот штом ќе наполни 18 години на 13 јули.