Романија испрати два борбени авиони Ф-16 откако забележа руски дрон кој го нарушил воздушниот простор на земјата, само неколку дена откако Полска потврди дека соборила руски дронови во нејзиниот воздушен простор, објави „Индепендент“.

Романското Министерство за одбрана објави дека дронот е откриен за време на рускиот напад врз украинската инфраструктура и дека го нарушил суверенитетот на романскиот воздушен простор. Авионите Ф-16 го следеле авионот сè додека не исчезнал од радарот.

ВИДЕО | Тревога во Полска поради закана од беспилотни летала – Романија собори два руски дрона

Романската министерка Оана Цоју соопшти дека ќе го покрене прашањето за руските упади во воздушниот простор на Романија и другите земји-членки на НАТО на Генералното собрание на Обединетите нации , повикувајќи на строго меѓународно почитување на санкциите.

Луѓето во Романија никогаш не биле во опасност, но ваквите постапки на Русија се неприфатливи и неодговорни. Романија го осудува однесувањето на Русија и презема неопходни мерки за заштита на својот суверенитет и безбедност, изјави министерката во објава на социјалната мрежа X.