Надал во второто коло на Ролан Гарос на теренот помина точно 100 минути во кои со 6:1,6:0,6:3 го победи Мекдоналд.

Шпанецот кој е бранител на трофејот беше доминантен во секој дел од играта против 236. тенисер на АТП ранг листата и лесно дојде до 95. победа на Ролан Гарос.

Иако на првиот гем на свој сервис, Надал наиде на отпор, набрзо ја презеде контролата на теренот, направи брејк за 3:1, а потоа со уште еден брејк за 32. минути ја заврши работата во првиот сет.

Во вториот сет, Надал не му даде никаква шанса на Мекдоналд, ги освои сите шест гема во низа и ниту еднаш не дозволи шанса за брејк. По убедливиот триумф во вториот сет, Надал малку се опушти во третиот сет, но и така немаше проблеми да ја обезбеди победата и да се пласира во третото коло.
Нареден противник на Надал во третото коло ќе биде подобриот од дуелот Нишикори – Траваља.