По стартниот триумф над Скопје 2020, денеска играчите на Кирил Лазаров се покажаа во ново одлично издание во македонската ракометна Суперлига.

Ракометниот клуб Алкалоид на гости во салата „Билјанини извори“ во Охрид го совлада домаќинот со конечен резултат 22:28.

Прв стрелец во триумфот на РК Алкалоид беше Митев кој девет голови, четири повеќе од Серафимов. Кај домаќините Цирар шестпати се запиша во листата на стрелците, а Бојаниќ забележа четири погодоци.

Завршија уште два меча во првенството, Еурофарм Пелистер 2 беше убедлив над Скопје 2020 со 37:22, а Тинекс Пролет со 30:25 славеше против Прилеп.

На табелата во групата „А“ Алкалоид и Тиквеш имаат по шест бодови, по три Еурофарм Пелистер 2, Охрид, Струга и РК Аеродром, а ниту еден Куманово и Скопје 2020.