Ракометарите на Алкалоид остварија голем успех откако успеаја да обезбедат пласман во финалето на Европскиот Куп на ЕХФ.

Македонската екипа предводена од тренерот Кирил Лазаров на реваншот од полуфиналето во Норвешка го елиминираше Рунар Сандефјорд по изведувањето на седмерци со 3:1 за конечни 35:32.

Во првиот меч Алкалоид триумфираше со 42:37, а на возвратниот дуел Рунар Сандефјорд исто така славеше со пет голови разлика (34:29).

Норвешкиот состав подобро го отвори натпреварот и поведе со 6:1 што беше вовед во 50 минутна жестока битка во која се наттрчуваа играчите и се надмудруваа клупите. Норвешкиот тим имаше контрола, но РК Алкалоид покажа карактер, се бореше трпеливо и успеа во првото полувреме да намали на 16:13, а на полувреме беше 19:15.

Во вториот дел РК Алкалоид се доближи и на два гола разлика, иако некомплетен успеваше да се спротивстави, но домашниот состав во финишот на натпреварот успеа да влезе во серија што го одведе до конечните 34:29.

Најдобар стрелец на дуелот во редовите на Алкалоид беше Дамјан Митев со девет голови, пред Мартин Серафимов со осум.

Во мечот за европскиот трофеј, РК Алкалоид ќе игра двомеч со грчкиот клуб РК АЕК од Атина кој претходно го елиминираше Извиѓач од Босна и Херцеговина. Финалните натпревари ќе се играат на 17/18 мај и 24/25 мај.

РК РУНАР САНДЕФЈОРД- РК АЛКАЛОИД 34-29 (19-15) Пенали: 1-3

Сала: „Рунархолен“ во Сандефјорд, Норвешка. Судии: Франческо Симоне и Пјетро Монотиљо од Италија. Делегат: Хеинур Леифстад од Исланд
РК РУНАР: Бјронстад, Тригестад, Окерн, Гурих 8, Грам, Рамбо 6, Хоген 1, Боје, Линдел 3, Бергли 2, Ривешјо 1, Миклебаст 2, Сјурсен 1, Кнутсен 2, Венемир 1, Вулвик 7
Седмерци: 2/2 Исклучувања: 6 мин.

РК АЛКАЛОИД: Кизиќ, Галевски, Џонов 3, Маркоски, Младеновиќ, Серафимов 7, Карасманакис 1, Стојковиќ 1, Велковски 4, Симоноски, Ивановски 4, Бинго, Франциско 1, Петковски, Митев 8, Савревски
Седмерци: 6/7 Исклучувања: 8 мин.

Седмерци:
1-0 Серафимов
1-1 Ривешјо
1-2 Митев
1-3 Петковски