Македонскиот младински репрезентативец во бокс, Александар Ристовски (81 килограм), член на Шкендија Но Лимит го освои сребрениот медал на 38 издание на „Војвоѓанска ракавица“.

Ристовски на меѓународниот турнир од А категорија, во финалето во Суботица загуби со прекин во втората рунда од Србинот Алмир Мемиќ.

На овој настан имаше боксери од домаќинот Србија, Бугарија, Романија, Македонија со исклучително силен турнир од А категорија, боксери кои се шампиони на Европа.

Овој месец Арсим Етеми и Лео Јовановски беа елиминирани на сениорскиот меѓународен турнир „Загреб Гранд При“ во Хрватска.

Етеми во категоријата 81 кг. загуби со прекин од Русинот Разиуан Мазихов во првата рунда. Лео Јовановски беше поразен од Хрватот Ноа Језек во категоријата 75 кг. со 2:1.