Eвропската ракометна федерација денеска ги одреди групите во женската Лига на шампиони каде што Македонија ќе има две претставнички.

Во женската ракометна елита, Македонија ќе ја претставуваат Сара Ристовска со Рапид Букурешт и Ива Младеновска која ќе го носи дресот на Брест.

Македонските ракометарки ќе се соочат во групата „Б“ каде што се: Вајперс, Есбјерг, Будуќност, Лудигсбург, Ѓер, Брест, Рапид Букурешт и Оденсе.

Групата „А“ е составена од: Ференцварош, Мец, ЦСМ Букурешт, Крим, Стормхамар, Никобинг, Подравка и Глорија.

Натпреварите во Лигата на шампионите започнуваат во септември, а титулата ќе ја брани тимот на Ѓер.