Интер му одржа лекција на Милан, не еднаш, туку четирипати во овие пет и пол месеци во 2023 година (Серија А 1:0, Суперкуп на Италија 3:0, Лига на шампиони 2:0, 1:0). Но, мислењето на мнозинството љубители на фудбалот е дека немаат што да бараат во финалето на најсилното европско клупско натпреварување.

Токму истото го мисли и легендарниот ас на Манчестер јунајтед, Рио Фердинанд. Во улога на ТВ консултант, поранешниот англиски репрезентативец истакна дека денеска е „финале пред финалето“, па кој и да помине – Реал Мадрид или Манчестер сити, ќе ја освои Лигата на шампионите.

– Без навреда за Интер, но тие се аутсајдери во финалето. Имаат солиден тим и многу играчи кои играа големи натпревари, но доколку ги гледавте во групната фаза, никогаш не би помислике дека ќе стигнат до каде тие се сега – рече Рио Фердинанд.

Интер групната фаза во ЛШ ја заврши на второто место со осум бода помалку од првопласираниот Баерн и три бода повеќе од третопласираната Барселона. Четврта беше Викторија Плзењ.

Лига на шампиони: Кој ќе игра во финалето, Манчестер сити или Реал Мадрид?

Со скор од три победи, едно реми и два порази, „нераѕурите“ се пласираа во нокаут фазата каде најпрвин го елиминираа Порто со 1:0 и 0:0, а потоа Бенфика со 2:0 и 3:3, а сега беа подобри и од градскиот ривал Милан со 2:0 и 1:0.

Сите овие резултати не влеваат надеж кај повеќето љубители на фудбалот, вклучувајќи го и Рио Фердинанд, кој смета дека Интер нема што да бара во финалето против Манчестер сити или Реал Мадрид.

Анчелоти смирен пред реваншот со Сити: Можеме подобро отколку на првиот натпревар