Одредени лидери во ЕУ имаат погледи карактеристични за 19 век кога се работи за Западен Балкан, изјавил американскиот помошник државен секретар за европски и евроазиски прашања, Филип Рикер во интервју за Радио Слободна Европа.

Американскиот дипломат вели дека САД се разочарани од одлуката на европските лидери да не им се одобри почеток на преговорите за членство во ЕУ на Северна Македонија и Албанија.

Тој во интервјуто потенцира дека европската перспектива на земјите кои сакаат да бидат дел од Унијата, била клучна компонента на американската надворешна политика.

Според Рикер, САД го подржуваат тој идеал на земјите и тоа го покажуваат во програмите за помош кои ги доделуваат на дипломатијата како и поддршката на реформите, со цел овие држави да се движат во насока не европските интеграции.

– Сметаме дека тоа е во најдобар интерес на државите, регионот и на Европа и разочарувачки е да се видат одредени лидери кои имаат погледи карактеристични за 19 век кога е во прашање Западен Балкан, вели Рикер во интервју за РСЕ.