Иако сè уште постојат минимални шанси за откажување, УС Опен треба да стартува на 31 август и ќе има ригорозни правила за сите учесници.

Поради стравот да отсуство на најдобрите тенисери кои претежно се од Европа, тенисерите и тенисерките по доаѓањето во САД нема да мора да бидат во двонеделен карантин, но затоа движењето ќе им биде ограничено како и местото на престој.

Организаторите обезбедија два хотели за тенисерите и тенисерките Лонг Ајленд Мериот или Гарден Сити, кои се наоѓаат на 30-тина минути од терените во „Флешинг Медиуз“ каде ќе се одржува УС Опен. Сите тенисери и тенисерки ќе може да имаат уште најмногу тројца членови во својот тим.

Тие тројца членови заедно со тенисерот или тенисерката ќе бидат сместени во две соби во еден од хотелите, но само една личност ќе може да биде покрај играчот за време на одигрувањето на натпреварите.
Маските ќе мора да се носат постојано по напуштањето на хотелот и до излегувањето на тенискиот терен.

За натпреварувањето да биде безбедно за сите учесници, играчите и нивните членови на тимовите веднаш по пристигнувањето во Њујорк ќе бидат тестирани на коронавирус и нема да смеат да го напуштат хотелот се до додека нивните резултати не бидат негативни.

По негативниот резултат, играчите ќе добијат дозвола да тренираат на терените на „Флешинг Медоуз“, а вториот тест ќе мора да го направат по 48 часа од првиот.
Покрај тоа, при влезот во тенискиот комплекс на сите ќе им биде мерена температурата и ќе мора да потпишат изјава во која ќе ги опишат сите симптоми на ковид-19 кои мислат дека ги имаат.

Рестартот на тениската сезона требаше да биде на 14. август со турнирот во Вашингтопн, но тој е откажан и следен нареден турнир е тој на 22. август од Мастерс серијата но наместо во Синсинати ќе се одржи на терените на УС Опен.