Фудбалерот на Реал Мадрид, Антонио Ридигер, се извини за своето однесување во саботата во поразот од 3:2 од Барселона во финалето на Купот на Кралот, кога доби црвен картон откако жестоко реагораше и фрли предмет кон судијата.

Инцидентот се случи кога судијата досуди прекршок на напаѓачот Килијан Мбапе врз одбранбениот играч Ерик Гарсија, со што Реал остана без последната шанса за израмнување неколку моменти откако Жил Кунде од Барселона го постигна победничкиот гол во 116 минута.

Одлуката на Рикардо де Бургос Бенгоечеа предизвика излив на гнев кај играчите на Реал Мадрид, особено кај Ридигер кој беше на клупата откако беше заменет претходно.

Германецот доби црвен картон поради неговата реакција и мораа да реагираат соиграчите и тренерскиот персонал за да го спречат да истрча на теренот и да фрла кеси со мраз кон судијата.

– Дефинитивно нема оправдување за моето однесување синоќа. Многу ми е жал за тоа. Одигравме многу добар натпревар од второто полувреме. По 111 минути повеќе не можев да му помогнам на мојот тим, а пред последниот свиреж направив грешка. Уште еднаш им се извинувам на судијата и на сите што ги разочарав синоќа – напиша Ридигер на своите социјални мрежи во неделата.