Возач кој шест дена бил заробен во своето возило под мост во Индијана, бил пронајден од двајца рибари. Марио Гарсија и зетот Нивардо Де Ла Торе „тепале време“ додека ги чекале своите сопруги, соопшти полицијата.

Тие на крајот го пронашле Метју Реум (27) од Мишавака, чиј камион се урнал на 20 декември. Во болница, на Реум му била ампутирана едната нога и сега е на интензивна нега. Гарсија рече дека го видел уништениот камион и дека го извадил воздушното перниче од патот кога Реум се „разбудил“.

Возачот им кажал на мажите дека бил заробен и закачен на неговото седиште под мостот во близина на Портаџ.

„Се обиде да вика и да вреска, но никој не го чу. Беше само тивко, се слушаше само звукот на водата“, раскажува Гарсија.

Од полицијата велат дека доколку не биле двете лица кои се движеле по потокот, овој инцидент повеќе од веројатно ќе имал поинаков исход.

„Немаше никакви претходни извештаи за судар во оваа област пред рибарите да го пронајдат возилото“ велат тие.

Рибарите рекоа дека им било многу мило што наишле на човекот кога го сретнале.

„Вечерва е студено и не верувам дека ќе ја преживееше ноќта“, велат од полицијата. „Тоа е мое лично мислење“.

Гарсија додаде: „Тој ми рече дека е таму долго време; дека речиси изгубил секаква надеж – затоа што никој не бил таму“.

Компанијата на Реум, Боилмејкерс Локал 374, соопшти дека неговата лева нога била ампутирана во средата наутро од средината на потколеницата надолу, пренесува Ен-Би-Си.