Во јавноста преку медиумите излезе информација дека поранешниот македонски ракометен селектор Илија Темелковски е починат.

Од Ракометната федерација на Македонија (РФМ) веднаш излезе со објава на социјалните мрежи дека таквата информација не е точна.

– Почитувани, во врска со информацијата која беше проследена во јавност преку медиумите дека ракометниот спортски работник г-дин Иле Темелковски е починат, податокот не е точен.

Ве известуваме дека канцеларијата на РФМ стапи во контакт со семејството на Темелковски и г-дин Иле Темелковски и ги замолуваме медиумите да ги корегираат своите објави – со почит, Ракометна федерација на Македонија.