Научниците развија „свет грал“ на инсулинот кој реагира на промените во нивото на шеќер во крвта во реално време што може да го револуционизира лекувањето на милиони луѓе со дијабетес тип 1 низ светот.

Пациентите во моментов мора да си инјектираат синтетички инсулин до 10 пати дневно за да преживеат. Постојаната флуктуација помеѓу високото и ниското ниво на шеќер во крвта може да доведе до краткорочни и долгорочни физички здравствени проблеми, а борбата да се одржи нивото стабилно може да влијае и на нивното ментално здравје.

Научниците пронашле решение за кое експертите велат дека е исто толку блиску до лекот за дијабетес тип 1 како што може да биде која било терапија со лекови: паметен инсулин кој мирува во телото и делува само кога е потребно. Истражувачите од САД, Австралија и Кина успешно дизајнирале нови инсулини кои го имитираат природниот одговор на телото на промените во нивоата на шеќерот во крвта и реагираат веднаш во реално време.

Стандардните инсулини го стабилизираат нивото на шеќер во крвта кога ќе влезат во телото, но штом ќе ја завршат својата работа, тие обично не можат да помогнат во идните флуктуации. Ова значи дека пациентите често мора повторно да си вбризгуваат повеќе инсулин, мора да дадат корекција, во рок од само неколку часа.

Новите инсулини кои реагираат на гликозата (GRIs) стануваат активни само кога постои одредена количина шеќер во крвта за да се спречи хипергликемија (високо ниво на гликоза во крвта). Тие повторно стануваат неактивни кога нивото ќе падне под одредена точка, избегнувајќи ја хипогликемијата (ниско ниво на гликоза во крвта). Во иднина, на пациентите може ќе им треба само инсулин еднаш неделно, сметаат експертите.

– Дури и со современите инсулини што се достапни во моментов, луѓето што живеат со дијабетес тип 1 мора да вложуваат многу напор во управувањето со својот дијабетес секој ден за да најдат добра рамнотежа помеѓу прифатлива контрола на гликемијата од една страна и избегнување на хипогликемија од друга страна. Инсулините што реагираат на гликоза – т. н. „паметни“ – се сметаат за „свет грал“ на инсулинот, затоа што тие би биле најблиску до лекот за дијабетес тип 1 како и секоја терапија со лекови – рекол д-р Тим Хејс, потпретседател на научниот советодавен одбор за нови инсулини за Големиот предизвик за дијабетес тип 1.