Револуционерно: Европејци започнаа да ја примаат првата вакцина против рак на белите дробови
Пациент со рак на белите дробови во Велика Британија стана еден од првите кои учествуваа во револуционерното испитување за првата вакцина против оваа болест во светот, објави Euronews.com.
Препорачано
Ракот на белите дробови е водечка причина за смрт од рак во светот, одговорен за околу 1,8 милиони смртни случаи во 2020 година.
Од нив, речиси четвртина милион луѓе – околу 230 700 – се само од ЕУ, што претставува речиси еден од пет смртни случаи од рак во регионот.
Првата вакцина во светот е дизајнирана да таргетира неситноклеточен белодробен карцином, кој сочинува 85% од сите случаи на белодробен рак.
Му овозможува на имунолошкиот систем на пациентот да ги напаѓа клетките на ракот кои ги препознава со помош на тумор маркери поврзани со неситноклеточен карцином.
Ова специфично таргетирање има за цел да ги уништи клетките на ракот, а истовремено да го минимизира оштетувањето на здравите клетки, за разлика од ефектите на хемотерапијата.
„Силата на пристапот што го преземаме е тоа што третманот е насочен кон клетките на ракот. На овој начин се надеваме дека со време ќе можеме да покажеме дека третманот е ефикасен против рак на белите дробови, а другите ткива остануваат недопрени”, изјави д-р Сара Бенафи.
