Во текот на 139. годишен состанок на Меѓународниот одбор на фудбалски асоцијации во Белфаст се разговараше за промена на одредени правила во фудбалот.

ИФАБ асоцијацијата е одговорна за дефинирање на правилата во фудбалот и на состанокот се разговараше меѓу другото и за запирање на ефективното време за игра.

Имено, се размислува да се избегне губење на ефективното време за игра во што судиите би добиле право да стопираат додека анализираат одредена спорна ситуација или во случај на повреди на фудбалерите на теренот.

Покрај ова правило се разговарало и за други правила, но повеќе детали би требало да се објават во наредниот период. Новитетите би можеле да се применуваат од јули 2025 година, ако ИФАБ ги потврди.