Државниот завод за ревизија даде преодна оценка по извршена ревизија на финансиските извештаи на Државното правобранителство на Македонија.

„Со извршената ревизија, изразивме поволно мислење за реалноста и објективноста на финансиските извештаи за 2023 година и мислење со резерва за усогласеност со законската регулатива, упатства и воспоставени политики. Финансиските извештаи ги прикажуваат вистинито и објективно, во сите материјални аспекти, финансиската состојба на Државно правобранителство на Република Северна Македонија на ден 31 декември 2023 година на сметката на основен буџет (631), како и резултатите од финансиските активности за годината која завршува со тој датум, во согласност со важечката законска регулатива“, се вели во извештајот на ДЗР.

Ревизорите препорачуваат, Државното правобранителство да преземе мерки и активности за утврдување на правниот основ и разграничување на остварените приходи по видови во насока на поврат на финансиските средства на сметка на Буџетот на Македонија согласно Законот за државното правобранителство.