Југословенката со децении се наоѓа на нашите трпези. Барем во мојот дом баба ми знаеше да ја „стутка“ често. На мајка ми не ѝ правеше толку ќеиф, но без разлика на преференциите на вкусот, дали има нешто поубаво од носталгија?

Потребни состојки за бисквит:

– 4 јајца
– 160 гр брашно
– 160 гр шеќер
– 1 прашок за пециво
– 60 мл топла вода
– 60 мл масло

Потребни состојки за кремот:

– 1 кг јаболка
– 1 литар вода или сок од јаболко (ако сакате појак вкус)
– 200 грама шеќер (100 грама ако користите сок од јаболко)
– 3 пудинзи од ванила
– цимет по желба
– 500 мл слатка павлака

Јадете како рокенрол легенда: Како настанал познатиот Елвис сендвич

Начин на подготовка:

Изматете ги белките со прстофат сол во цврст снег. Измешајте ги одвоените жолчки со масло, вода, брашно и прашок за пециво. Овие две смеси кратко измешајте ги со миксер на најмала брзина.

Загрејте ја рерната на 180 степени, истурете ја во плех обложен со хартија за печење и печете го бисквитот околу 25 минути.

Јаболката излупете ги и исечете ги на коцки. Се преливаат со 8 дл вода, се додава шеќерот(од страна се оставаат три лажици шеќер), циметот по желба и се варат 15-20 минути на тивок оган додека јаболката целосно не омекнат. Измешајте 3 пудинга и преостанатиот шеќер, па изматете со 2 дл вода. Јаболката тргнете ги од оган и изматете го пудингот. Се враќа на оган и се динста 3-4 минути.

Веднаш прелијте го изладениот бисквит. Се лади на собна температура, а потоа се става во фрижидер два часа. Кога колачот ќе се излади изматете ја слатката павлака и шлагот и премачкајте ја. Оставете го колачот да отстои пред да го послужите.

Едноставен и економичен рецепт: Антидепресивен колач