Ресторан во кинеската покраина Шанкси предизвика големо внимание, но и загриженост на социјалните мрежи поради својата необична понуда – гостите можат да се гушкаат со лавчиња за време на попладневниот чај, објави Си-eн-eн.

Ресторанот „Ванхуи“ во градот Таијуан, кој се отвори во јуни 2024 година, продава околу 20 билети дневно за ексклузивна понуда што вклучува галење лав, што чини околу 150 долари.

На социјалните мрежи се појавија низа фотографии и видеа на кои се гледаат гости како го држат лавчето како бебе.

Освен лавови, ресторанот нуди и интеракција со други животни како што се лами, желки и елени.

Сепак, ваквите практики предизвикаа загриженост, особено во врска со законитоста и етиката на користењето животни за комерцијални цели.

Коментарите на интернет се претежно негативни, бидејќи многу корисници веруваат дека ова однесување е опасно и штетно за животните.