По катастрофалниот пораз од Норвешка со неверојатни 11:1 во квалификациите за Светското првенство 2026, селекторот на молдавската фудбалска репрезентација, Сергеј Клешченко, си поднесе оставка.

Овој натпревар беше само продолжение на низата лоши резултати за Молдавија, која во 2025 година ги загуби сите мечеви. Покрај Норвешка, Молдавија беше поразена од Естонија, Полска, Италија и Израел, со вкупна гол-разлика од 3 дадени и 27 примени голови.

Фудбалската федерација на Молдавија најави дека ситуацијата ќе биде детално анализирана на состанок на тренерскиот комитет, кој е закажан за почетокот на наредната недела.

„Четири години во кои доживеавме многу емоции, некои помалку пријатни за кои се извнувам, и некои прекрасни. Заедно бевме на чекор од историските квалификации за ЕП 2024, заедно стигнавме до Групата Ц во Лигата на Нации. Цело ова време ја чувствував поддршката од навивачите, играчите, тренерскиот персонал и федерацијата. Ви благодарам на сите за довербата и поддршката“, порача Кешченко.

Претходно без селектори по овие квалификации останаа Азербејџан, Казахстан и Бугарија.