Поранешниот италијански премиер Матео Ренци предложи необично решение за користење на кампот Ѓадeр во Лежа. Во неодамна објавената изјава, Ренци предложи мигрантскиот центар во Албанија да се трансформира во затвор за Албанците осудени во Италија, кои имаат албански пасош.

„Заедно мораме да престанеме залудно да ги трошиме парите на Италијанците. Можеме да го трансформираме имигрантскиот камп во Албанија во затвор за албански осуденици кои моментално се во Италија“, рече Ренци.

Тој во албанската емисија „Пирањат“, рече дека за ова прашање ќе се разговара. Во текот на емисија пак беа откриени детали за работните и животните услови на италијанските полицајци кои служат во Албанија.

Критикувајќи ги своите политички противници, Ренци нагласи: „Другите само критикуваат и користат слогани; нудиме конкретни алтернативи. Што мислите, дали овојпат ќе не слушаат?“

Предлогот на Ренци се очекува да побуди бројни дебати, и во Албанија и во Италија, бидејќи допира чувствителни теми како што се имиграцијата и односите меѓу двете земји.