Во Бразил денеска, од последици на коронавирусот, починаа 2.286 лица, соопшти тамошното Министерство за здравство.

Ова е најголема бројка на смртни случаи во едно деноноќие во Бразил од почетокот на пандемијата, земја која е трета во светот по бројот на заразени лица и втора по бројот на починати.

Меѓу два дневни пресека, во Бразил се регистрирани нови 79.876 случаи на ковид-19, пренесува агенцијата „Ројтерс“.

Од почетокот на пандемијата, во Бразил починаа 270.656 пациенти, а инфицирани се повеќче од 11,2 милиони лица.