Празници се, обично јадете повеќе отколку што треба, а потоа ви страда жолчното ќесе. Сето месо, руска салата, слатки и сувомесни производи можат да бидат вистинска атомска бомба за жолчното ќесе, особено ако имате и камен во него.

Затоа е важно да научите сè за овој орган, начинот на кој функционира, како дејствува прејадувањето на него и како да го заштитите.

Каде се наоѓа жолчното ќесе и што прави?

Жолчното ќесе (лат.: vesica fellea, vesica billiaris) е еден вид „складиште“ за жолчката – зеленкаста течност која црниот дроб постојано ја лачи. Самиот орган е во облик на круша, со големина од околу 10 см), и се наоѓа на десната страна од телото, под црниот дроб.

По оброкот, жолчката се испраќа од жолчното ќесе преку посебни канали во тенкото црево, каде што помага во процесот на разградување на мастите од храната. Ова им овозможува на витамините и на хранливите материи растворливи во масти полесно да стасаат во крвотокот.

Кога се јавува проблем со жолчното ќесе и какво воспаление може да биде тоа?

(Holecistitis) претставува воспаление на жолчното ќесе, формирање на камења кои можат да доведат до холестаза, т.е. блокирање на излевање на жолчката бидејќи се затнал жолчниот канал.

Воспалението на жолчното ќесе може да биде акутно (краткотрајно) или хронично, кое се јавува како резултат на неколку акутни воспаленија кои биле едно по друго. Камењата кои се формираат најмногу се состојат од холестерол, а во помал број случаи и од билирубин и калциумови соли.

Може да постои еден голем камен, што е подобра опција бидејќи тој поради големината не може да влезе во излезниот канал и да го затне, или повеќе помали каменчиња кои при грчењето можат да се движат низ излезниот канал и да го затнат.

Кои се симптомите на воспаление на жолчното ќесе?

Пациентите кои доаѓаат во амбуланта обично прво се жалат на појава на болка во стомакот под лекот на десното ребро. Болката најчесто се јавува по оброк и по силна храна богата со масти (најчесто по, на пример, варени јајца или зелка).

Потоа може да имаат мачнина, повраќање и некаква тежина во стомакот. Може да имаат дијареја (пролив), посветла столица и потемна урина со боја на пиво.

Кога ќе се појават проблеми со жолчното ќесе или жолчните канали, може да почувствувате болка во горната десна страна на стомакот. Може да ги почувствувате и следниве симптоми:

– болки во грбот или градите, особено кога вдишувате длабоко
– нагон за повраќање
– надуеност
– чешање
– замор

Други вообичаени симптоми се жолта кожа и очи (состојба позната како жолтица) и губење на тежината.

Како се открива дека постои проблем со жолчното ќесе?

Исто така, неопходно е да се направи класична лабораторија која вклучува крвна слика и урина, ензими на црниот дроб AST, ALT, гама-GT, алкална фосфатаза, билирубин (директен и вкупен) бидејќи овие параметри обично се зголемени во случај на воспаление на жолчното ќесе. Во секој случај, во зависност од симптоматологијата и сериозноста на ситуацијата, се користат различни третмани.

Ако немате никакви симптоми, а со рутинскиот ултразвук е утврдено присуство на камења, обично се советува диета и здрава исхрана без мрсна храна и варени јајца.

Ако камењата се големи и имате хронично воспаление каде што можете да го видите задебелениот ѕид на жолчното ќесе, тоа обично се отстранува.

Во повеќето случаи, со лапароскопскиот метод, кој стана рутинска операција, пациентите по неа многу брзо си одат дома. Често при воспаление, покрај диетата, се применуваат антибиотици, како и некои други лекови.

Дали треба да се отстрани жолчното ќесе?

Врз основа на прегледот и наодите, хирургот ќе процени дали жолчното ќесе е за операција или не.

Дома треба да следите посебен начин на исхрана за да спречите можен напад на жолчното ќесе. Ова значи дека мора:

– да избегнувате мрсна, многу зачинета храна, лути намирници и жолчки од јајца

– од исхраната да ги исфрлите преработените месни производи

– да ја намалите употребата на растително масло

– да ги исфрлите печивата и да ја намалите употребата на леб и бело брашно

– вашата исхрана треба да се базира на лесна храна

– оброците мора да бидат почести, а помали за да не го иритирате жолчното ќесе

– да јадете што е можно повеќе зеленчук и храна богата со растителни влакна за да го подобрите варењето

Исто така, постои можност камењата да го затнат каналот на панкреасот, што доведува до акутен панкреатитис (кога ензимите на панкреасот не можат да се излачат во цревата за да го потпомогнат варењето, туку дејствуваат на самиот панкреас, што доведува до воспаление, кое претставува уште една итна состојба).

И двете состојби го загрозуваат животот, така што жолчното ќесе треба да се сфати сериозно и неговото лекување не смее да се занемари.