Познатиот милионерски колач (millionaire’s shortbread) е фантастична торта чиj „скап“ назив нималку не одговара на комбинацијата на неговите состојки, туку е, напротив, сосема евтин. Вкусот е, затоа, извонреден!

Познатиот милионерски колач потекнува од Шкотска за време на владеењето на кралицата Елизабета Прва (таа живеела од 1533 до 1603 година). Тогаш се подготвувал од мелен овес, шеќер и путер, налик на денешниот станал некаде во 19 век кога се појавиле чоколадото и засладеното кондензирано млеко.

Станува збор за стара шкотска торта, која изобилува со карамела и чоколадо.

Состојки:

Тесто:

– 350 грама брашно

– 230 грама путер

– 130 грама шеќер

– прстофат сол

Карамела:

– 400 милилитри кондензирано млеко

– 200 грама шеќер

– 200 грама путер

– 4 лажици растопен мед

Глазура:

– 250 грама чоколадо (млечно или црно)

Подготовка:

Прво загрејте ја рерната на 150 степени. За слој тесто измешајте путер, шеќер и сол, па матете со миксер додека не добиете еднолична смеса. Потоа, постепено додавајте го брашното, цело време мешајќи со миксерот. Кога ќе добиете компактно тесто, ставете го во плех обложен со хартија за печење. Печете околу половина час, додека не добие златна боја. Кога целосно ќе се излади, ставете ја кората од бисквитите во фрижидер.

За слојот од карамел измешајте путер, млеко и шеќер, потоа додајте мед и постојано мешајте на средна температура додека смесата не стане густа. Кога ќе биде готово, прелијте го со бисквитот и вратете го во фрижидер.

Чоколадото растопете го на пареа, па прелијте го со изладениот (и стегнат) карамел, па вратете во фрижидер за и тоа да се стегне.

Засладете се како милионери!