Оваа вкусна фокача можете да ја послужите на дрвена даска со сувомеснати производи, домашни паштети, кисели краставички, салата или да направите сендвичи од неа.

Состојки

За тестото

250 гр меко брашно
250 гр остро брашно
15 гр мед или шеќер
15 гр свеж квасец
15 гр сол
315 мл вода

За филот

50 мл маслиново масло
2-3 гранчиња рузмарин
100 гр шери домати
1 лук
половина кромид
8-10 маслинки
1 лажица морска сол
мелен бибер
малку чили

Подготовка

Во половина од млаката вода растворете ги квасецот и медот. Брашното просејте го соединете го со солта и добиената смеса од квасецо, полека мешајте за да добиете леплива маса. Додадете го остатокот од водата и месете нежно додека не стане бела и мазна. Покријте го тестото со крпа или фолија и оставете го да отстои на топло и влажно место околу 40 минути. Кога тестото ќе се удвои расукајте го или развлечете го на висина од 1,5 см, па префрлете го на хартијата за печење. Прелијте го тестото со масло и направете ги карактеристичните дупчиња со прстите длабоко во тестото и оставете го тестото повторно да одмори околу 40 минути. За тоа време во сад ставете ги исчистените чешниња лук, ситно исечканиот кромид и гранчињата рузмарин. Сето ова се прелива со малку маслиново масло и се потпекува 20 минути. Тестото се става во печката на топол воздух и врз него се додаваат сите состојки. Фокачата се пече околу 15 минути на 180 степени.
Добар апетит!