Рецепт за тетовско тавче со четири видови месо: Ваков гурманлук не сте пробале!
Македонија е земја позната по тоа дека одлично се јаде и дека се прават вина со врвен квалитет.
Препорачано
-
1
-
2
-
3
Традиционалниот македонски специјалитет – тетовско тавче најдобро оди со чаша квалитетен каберне совињон, црвено вино што совршено ќе ја балансира оваа количина различно месо.
Состојки:
– 400 грама свински кременадли
– 6 зелени свежи пиперки
– 2 црвени пиперки
– 250 грама говедско бифтек
– 1 домат
– 200 грама мелено месо
– 1 главица кромид
– 200 грама јагнешки црн дроб
– 4 чешниња лук
– 200 милилитри павлака
– 1 јајце
– магдонос
– ливчиња целер
– 1 пилешка или говедска коцка за супа
– лажичка мешавина од зачини, масло, сол, мелен црн пипер
Подготовка:
Се печат парчињата свинско и говедско месо, говедскиот црн дроб и посолени и побиберени топчиња од мелено месо. На загреано масло пропржете ситно сечкан кромид. Кога ќе омекне, додајте ги парчињата пиперка, доматот, сечканиот лук, магдоносот, целерот, зачинете со мешавината од зачини и додајте го испрженото месо. Потоа додајте сол, бибер и прелијте со претходно сварената супа.
Содржината пренесете ја во земјен сад. Печете еден час на 200 степени. Измешајте ги жолчката и павлаката, па додајте ги во земјениот сад. Вратете сѐ во рерна и печете уште 15 минути.
Послужете во сад и украсете со гранчиња магдонос. Пријатно!
