Кога сте гладни, а изморени од готвење, ова е идеалниот рецепт за вас. Брза подготовка, а сепак превкусно. Лесен ручек, кој секој може да го приготви и да ужива во тортилја – сендвичи.

Крцкавите и сочни пити од тортилја го одземаат здивот: вкусни се, а ви требаат само неколку минути и само неколку состојки.
Брза, практична и хранлива идеја за превкусен оброк.

Состојки:

– 8 готови тортилји
– 500 г пилешко бело месо
– 200 г излупени домати
– 400 г кашкавал
– 3 лажици масло за готвење
– 1 марула
– 1 снопче млад кромид
– 1 лажица исечкан магдонос
– 1 прстофат лук в прав
– оригано, босилек, мешан зачин

Подготовка:

1. Пилешкото месо исечкајте го на тенки ленти, младиот кромид на крукчиња, доматите на коцкички, а кашкавалот изрендајте го покрупно.

2. На малку масло за готвење, пропржете го пилешкото месо, а потоа додадете ги доматите, ориганото, босилекот, лукот во прав и мешаниот зачин. Сите состојки заедно кратко пропржете ги.

3. Откако ќе ја тргнете тавата од рингла, во неа додадете го младиот кромид и убаво измешајте.

4. Земете една тортилја, наредете ја со кашкавал и полијте ја со филето од бело месо. Врз филето повторно наредете кашкавал и марула и преклопете ја со уште една тортилја. Подготвениот сендвич, благо притиснете го со дланките одозгора. На ист начин пригответе ги сите тортилји.

5. Земете тефлонска тава, загрејте го и на него печете ги тортилја – сендвичите од двете страни за кашкавалот убаво да се растопи. Внимавајте да не ги загорите.

6. Сендвичите оставете ги да се изладат и послужете ги исечени на триаголници.