Многу луѓе сакаат компири, а поради нивниот неутрален вкус, лесно може да се приспособат како прилог на различни рецепти. Ако немате идеја што да направите за ручек, пробајте го овој рецепт.

Овој прилог можете да го послужите со различни видови месо, а да додадете и салата.

Состојки:

– четири големи компири
– 50 грама путер
– две јајца
– два децилитри млеко
– малку масло
– зачини (сол, бибер)

Подготовка:

Излупете ги компирите и исечете ги на прстени. Додајте сол и бибер во маслото, а можете да додадете и некои други зачини како гранули од лук или мешавина од зачини од компири.

Прелијте ги компирите со зачините, измешајте и наредете во сад за печење. Додајте малку вода и потоа додајте парчиња исечен путер. Компирите треба да се печат во загреана рерна на 250 степени околу половина час.

Додека се печат компирите, изматете ги јајцата и млекото. Кога ќе се испечат компирите, прелијте ги со изматените јајца и млекото и вратете ги во рерна да се печат. Послужете додека е топло.