Рецепт за посни кифлички: Вкусни се како обичните, а поради една работа ќе бидат меки со денови
Кифличките брзо и лесно се прават, а најважно е дека секој може да ги направи. Она што е совршено во овој рецепт е тоа што тие остануваат свежи и меки со денови поради премачкувањето. Божиќниот пост започна на 28 ноември и трае 40 дена, а во тој период треба да се воздржите од мрсна храна. Доколку сте љубител на кифлички, овој рецепт е идеален за вас бидејќи се посни.
Препорачано
-
1
-
2
-
3
Состојки:
– 1/2 пакување свеж квасец
– 350 мл топла вода
– 1 лажичка шеќер
– 5 лажици масло
– 550 г брашно
– 1 лажичка сол
За премачкување:
– 1 лажица брашно
– 4 лажици вода
– малку сол
– сусам
– малку масло
Подготовка:
Во топлата вода додадете ги искршениот квасец и шеќерот, измешајте, па оставете да се активира. Потоа додадете масло, брашно и сол, па замесете тесто. Намачкајте го со масло, па покријте го и оставете го да отстои околу 30 минути.
Тестото се замесува на набрашнета површина, па се дели на 10-12 дела. Секој дел формирајте го во топка. Расукајте го прво со прстите, а потоа со сукало и завиткајте го. Се редат во плех покриен со хартија за печење.
Измешајте брашно, сол и вода, па премачкајте ги лепчињата. Посипете со сусам. Покријте и оставете уште 10-15 минути. Се пече на 180 степени Целзиусови околу 20-25 минути. Врелите лепчиња премачкајте ги со масло или растопен маргарин.
