Рецепт за посна штрудла со афион, полна со ореви и џем
Оваа посна штрудла со афион е повкусна од секоја друга. Полна е со ореви, џем и афион, а останува тазе и мека дури и утредента. Ниту еден десерт не ѝ е рамен на посната штрудла со афион!
Препорачано
Состојки:
За филот:
– 300 мл чај од јагоди
– 400 г мелен афион
– 150-200 г шеќер
– 4 лажици џем
– 100 г суво грозје
– 150 г мелени ореви
– по потреба додајте уште 50-100 мл чај или растопен посен маргарин
За тестото:
– 500 г брашно
– 5 лажици шеќер
– 15 г квасец
– 1 прашок за печиво
– 125 г посен маргарин + 50 г за премачкување
– 200-250 мл вода
– кора од 1 лимон
– прстофат сол
Подготовка:
Пригответе го филот така што прво ќе сварите чај од јагода. Потоа, ќе ги измешате афионот, оревите, шеќерот и џемот, па ќе го додадете врелиот чај да го попари афионот. Кога сето тоа убаво ќе го измешате, пригответе го тестото.
Пригответе го тестото така што ќе го активирате квасецот со вода и шеќер. Измешајте брашно и прашок за печиво, додајте маргарин, лимонов сок, активираниот квасец и вода. Кога убаво ќе го замесите сето тоа, расучете го тестото што потенко и богато премачкајте го со фил. Ставете го загреана рерна, па печете на 180 степени Целзиусови.
