Рецепт за посна баклава со чоколадо: „Кралица“ на празничната трпеза
Ако сте љубители на класичната баклава, тогаш сигурно ќе ви се допадне оваа варијанта со додаток на чоколадо.
Препорачано
Баклавата е традиционален колач што се прави од 12 кори, а во овој рецепт ќе додадеме чоколадо за да добиеме уште повкусен деликатес.
Состојки:
– 12 кори од баклава
За филот:
– 300 грама мелени ореви
– 150 грама чоколадо за готвење
– 150 грама посни мелени бисквити
– 6 лажици гриз
– 5 лажици шеќер
– 150 мл вода
– 100 мл масло
За сирупот (шербетот):
– 500 мл вода
– 500 грама шеќер
За премачкување:
– 50 мл масло
– 50 мл вода
Подготовка:
1. Загрејте ја рерната на 220 степени.
2. Во сад измешајте ги оревите, ренданото чоколадо за готвење, бисквитите, гризот, шеќерот, додадете ги маслото и водата и измешајте да добиете цврста смеса.
3. Измешајте ги маслото и водата за премачкување на кората. Со оваа мешавина премачкајте ја првата кора, ставете ја втората, премачкајте ја и по работ намачкајте 1/6 од смесата за фил, па свиткајте во ролна. Постапката повторете ја со сите кори.
4. Роланите кори наредете плех во намрсен плех и печете ги во загреана рерна на 220 степени додека баклавата не добие златнокафеава боја.
5. Подгответе го сирупот – кога шеќерот и водата ќе зовријат, варете 15 минути за малку да се згусне сирупот. Оставете го сирупот да се излади.
6. Со ладниот сируп прелијте ја врелата баклава и оставете ја во плехот додека не се излади.
Овој рецепт ќе ви овозможи да направите сочна, слатка и неодолива чоколадна баклава што ќе го одушеви целото семејство и гостите.
