Крокетите од компири најчесто се служат како додаток на главните јадења, а неодоливата комбинација на меко и крцкаво ги направи толку популарни. Се верува дека настанале во Франција кон крајот на 19 век.

Можете да ги купите и во продавница, но сепак најдобро е сами да ги подготвите.

Состојки:

– 700 грама компир

– 150 грама брашно

– 40 грама путер

– 2 жолчки

За кората:

– 2 јајца

– 200 грама брашно

– 200 грама лебни трошки

Подготовка:

Сварете ги компирите, процедете ги, додајте го путерот, па направете пире. Потоа, додајте ги жолчките и зачините по желба, сè убаво измешајте и додајте го брашното. По потреба можете да додадете уште брашно, а тестото би требало да ви се лепи за рацете.

Рацете посипете ги со брашно, па од смесата формирајте крокети. Потоа, извалкајте ги во лебни трошки, па во јајца и повторно во трошките. Пржете ги на добро загреано масло. Наредете ги на салфетка за да се впие вишокот масло.