Похуваниот карфиол можете да подготвите како главно јадење, кој можете да го послужите со салата или како прилог со месо. Одлично оди со пилешко месо.

Состојки:

– 1 главица карфиол, поделена на цветови
– 2 јајца, изматени
– 1 шолја брашно
– 1 шолја презла
– масло за пржење

За тартар сос:

– 1 шолја мајонез
– 2 лажици ситно сечкани кисели краставички
– 1 лажица ситно сечкан кромид
– 1 лажица ситно сечкан магдонос
– сок од 1 лимон
– сол
– бибер по вкус

Подготовка:

Сварете го карфиолот во солена вода додека не омекне, но не премногу. Во еден сад одделно изматетете ги јајцата, во другиот сад ставете го брашното, а во третиот презла. Секој цвет од карфиол валкајте го прво во брашно, па во јајца, па во презла.

Во длабока тава со загреано масло пропржете го похуваниот карфиол додека не порумени.

Во еден сад измешајте ги мајонезот, киселите краставички, исечканиот кромид, сечканиот магдонос, сокот од лимон, солта и биберот. Добро измешајте. Пријатно!