Во моментов достапно ни е многу свежо овошје, па штета е да не го искористиме. Затоа ви предложуваме еден овошен рецепт. Овој пат се работи за пита со јогурт и боровинки, десерт кој лесно се прави, а неговиот вкус ќе ве воодушеви.

Состојки:

За крцкаво тесто

– 300 г обично брашно

– 200 г путер

– 4 жолчки

– 1 кесичка прашок за пециво

За фил

– 4 белки

– 100 г шеќер

– 1 лажица екстракт од ванила

– 400 г грчки јогурт

– 400 г кисела павлака

– 50 г остро брашно

– 250 г боровинки (или кое било друго сезонско овошје)

Подготовка:

Ставете го ладниот путер во брашното, а потоа додадете ги жолчките и прашокот за пециво. Замесете потврдо и ронливо тесто. Оставете го тестото во фрижидер околу 20 минути додека го правите филот.

Изматете ги белките додека не се направи шлаг, измешајте ги со екстрактот од ванила, брашното, грчкиот јогурт и павлаката. Вклучете ја рерната на 185 степени да се загрее.

Половина од тестото расукајте го или, ако ви е полесно, притиснете го со прстите во тавче за печење подмачкано со масло и брашно со димензии приближно 30 на 40 сантиметри.

Истурете го филот врз тестото и ставете ги боровинките, па преостанатата половина од тестото изрендајте ја. Тавата со тестото ставете ја во рерна и печете околу 45 минути.

По печењето, оставете ја питата да се олади и одозгора посипете малку шеќер во прав.