Нашите постари уживале во едноставни оброци. Се хранеле далеку поздраво, а и јадењата приготвени со месо во тоа време биле поздрави.

Цените на месото во продавниците и во месарниците драстично се зголемија. Би можело да се каже дека денес и пилешко можат да јадат само оние со „длабок“ џеб.

Во ова време на инфлација, принудени сме да внимаваме на буџетот кога купуваме намирници, па мораме да се „свртиме“ кон поевтините опции за храна, а нема подобри од југословенските.

Ви пренесуваме рецепт за пилешка чорба (паприкаш) со њоки од книгата со рецепти на Олга Новак Марковиќ со наслов „Југословенска кујна“ од 1983 година.

Состојки за 4 лица:

– 1 пиле
– 20 грама сос од домати
– 1 лажица мелена црвена пиперка
– 20 грама брашно
– 2 лажици кисела павлака
– кромид
– 1 лажица бело вино
– 4 свежи пиперки
– сол
– магдонос

Подготовка:

На масло пропржете го исечканиот кромид, додајте ги брашното, сосот од домати, мелената пиперка и залејте со вода.

Кога оваа смеса добро ќе зоврие, додајте го во неа и исеченото пиле и динстајте го додека не омекне. Потоа ставете го месото во друг сад, процедете го сосот и додајте ја исечената свежа пиперка. Гответе полека уште неколку минути, додајте една лажица бело вино и сосот послужете го со њоки.

По желба во сосот можете да додадете уште кисела павлака и ситно сечкан магдонос.

Пријатно!