Рецепт за пилешка супа која штити од настинка и проблеми со синусите
Вкусот и мирисот на добрата пилешка супа секогаш ги поврзуваме со неделните ручеци, но и со периодите кога сме имале настинка, грип, температура.
Препорачано
Температурата и потењето секогаш го дехидрираат организмот и се губат многу минерали. Затоа лекарите советуваат што е можно повеќе течност, како и пилешка супа.
Пилешкото месо е полно со протеини кои лесно се варат, а се одлична поддршка за имунолошкиот систем. Содржи многу витамини и минерали, особено Б витамини, кои благотворно делуваат на имунитетот и помагаат во регулирањето на варењето.
Ви предлагаме рецепт за супа која е богата со витамини Ц и Д, цинк и со антиоксиданти.
Се препорачува кај настинки, респираторни проблеми, воспаленија, инфекции и проблеми со синусите.
Се препорачува да се јаде топла, испарувањата од топлата супа поволно делуваат на органите за дишење како природен инхалатор.
Одлична е и како лесен оброк по напорниот ден за да ви се врати енергијата и доброто расположение, секогаш е една од првите оброци по разни операции, рехабилитација или ако водите сметка за вашата телесна тежина.
Состојки:
– 2 лажици маслиново масло
– 1 1/2 чаши сечкан кромид
– 3 стебленца целер, тенко сечкани
– 2 големи моркови, исечени на кругови
– 500 гр печурки
– 5 чешниња лук
– 8 шолји несолен пилешки бујон
– 4 гранчиња мајчина душица
– 2 ловорови листови
– 100 гр наут од конзерва
– 200 гр сечкани пилешки гради без коски
– 1 1/2 лажичка сол
– 1/2 лажичка слатка црвена пиперка
– 350 гр сечкан лист од кељ (без стебленце)
– 1/2 лажичка бибер
Подготовка:
Сипете маслиново масло во пилешката супа од бујон па оставете да се загрее на среден оган. Додадете кромид, целер, морков и варете 5 минути со повремено мешање. Додадете мајчина душица, ловоров лист и наут, а потоа пилешкото месо, солта и мелената црвена пиперка. Оставете да се готви околу 25 минути.
Потоа во супата додадете ги листовите кељ па варете уште 5 минути.
Отстранете ја мајчината душица и ловоровиот лист од супата.
Консумирајте ја супата додека е топла, а остатокот можете да го чувате во фрижидер до два дена.
